Fövqəladə Hallar Nazirliyinin Dövlət Yanğın Nəzarəti Xidmətinin (DYNX) təşəbbüsü ilə Nərimanov rayon İcra Hakimiyyətində "Yay mövsümündə yanğın təhlükəsizliyi tədbirləri" mövzusunda seminar-müşavirə keçirilib.
APA-nın Nazirliyin saytına istinadən məlumatına görə, seminar-müşavirədə FHN-in DYNX-in 3-cü ərazi Dövlət Yanğın Nəzarəti İdarəsinin rəisi vəzifəsini icra edən daxili xidmət mayoru Mircavad Seyidov, Nərimanov Rayon İcra Hakimiyyəti başçısının birinci müavini Yusif Sadıqov, Mənzil Kommunal Təsərrüfatı Birliyinin rəisi Elçin Həşimov, habelə rayonun aidiyyəti təşkilatlarının məsul əməkdaşları iştirak ediblər.
Tədbirdə yay mövsümündə ümumi yanğın təhlükəsizliyi tədbirləri, xüsusilə yolkənarı və kommunikasiya xətləri keçən sahələrin quru ot və kol-kosdan təmizlənməsi, yanğına qarşı su təchizatı sistemlərinin saz vəziyyətdə saxlanılmasının vacibliyi və digər tələblər diqqətə çatdırılıb, iştirakçıları maraqlandıran suallar cavablandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
