Azərbaycan polisinin yaranmasının 103-cü il dönümü münasibətilə Gəncə Şəhər Baş Polis İdarəsi Kəpəz Rayon İdarəsinin əməkdaşı, polis serjantı Hüseynov Kürdoğlu Xəlifə oğluna mənzil təqdim olunub. Gəncə Şəhər İcra Hakimiyyətindən APA-ya verilən məlumata görə, təqdimat mərasimində Şəhər İH başçısı Niyazi Bayramov, Gəncə Şəhər Baş Polis İdarəsinin rəisi, polis general-mayoru Teymur Hacıyev və digər hüquq mühafizə orqanlarının nümayəndələri iştirak ediblər.
Qeyd olunub ki, Azərbaycan polisi 103 il müddətində şərəfli bir yol keçərək, Vətənə, xalqa sədaqətlə və ləyaqətlə xidmət edib, dövlətçiliyin əsas sütunlarından birinə çevrilib. Həmçinin bildirilib ki, ölkədə asayişin qorunması istiqamətində var gücü ilə çalışan DİN işçiləri dövlətin diqqət və qayğısı ilə əhatə olunublar.
2009-cu ildən hüquq mühafizə orqanlarında xidmət edən polis serjantı Kürdoğlu Hüseynov, uzun illərdir kirayədə yaşadığını qeyd edərək, ona göstərilən diqqətə görə dövlət başçısı Prezident İlham Əliyevə, birinci vitse-prezident Mehriban Əliyevaya və şəhər rəhbərliyinə öz minnətdarlığını bildirib.
Qeyd edək ki, Hüseynov Kürdoğlu Xəlifə oğlu Kəlbəcər rayonundan məcburi köçkündür. Onun qardaşı Hüseynov Mirzə Xəlifə oğlu Vətən müharibəsi zamanı Murovdağ istiqamətində gedən döyüşlərdə şəhid olub.
Gəncədə polis serjantına mənzil təqdim olunub
02 iyul 2021 17:23 (UTC +04:00)
Sosial
“Lifttəmir”in direktoruna şiddətli töhmət verilib, 2 nəfər vəzifəsindən kənarlaşdırılıb
13:07
28 mart 2024
Ombudsman Xankəndidə erməni əsilli sakinlərlə görüşüb
11:51
28 mart 2024
Ağdərənin Çiləbürt kəndində 2 qumbaraatan və pulemyot hissələri tapılıb - FOTO
10:59
28 mart 2024
Aprelin 28-də keçiriləcək magistratura imtahanı üçün qeydiyyat elan edilib
10:55
28 mart 2024