“Bəzi analar elə düşünür ki, cizgi filmləri uşağı inkişaf etdirir. Bu yanlışdır. 2 yaşına qədər uşaqlara isə bu, qətiyyən olmaz”.
APA-nın məlumatına görə, bunu Səhiyyə Nazirliyinin “İnstagram” səhifəsindəki canlı yayımında Səhiyyə Nazirliyinin baş pediatrı Erkin Rəhimov deyib.
Baş pediatr bildirib ki, uşaq üçün ən əsası ana ilə vaxt keçirməsidir: “Uşaqların bu şəkildə cizgi filmlərinə aludəçiliyi autuzm xəstəliyinin başlanğıcı da ola bilər. Ümumiyyətlə, yemək yeyəndə isə uşaqların əlinə tablet, telefon verilməməlidir. Çünki uşaqlar zamanla içinə qapanır, danışmır”.