“Regionda müasir standartlara cavab verən ilk genetik laboratoriya bizim mərkəzdə qurulub”.
APA-nın məlumatına görə, Milli Hematologiya və Transfuziologiya Mərkəzinin icraçı direktoru Valeh Hüseynov “TƏBİB məsləhəti”ndə deyib.
O bildirib ki, bu laboratoriya müasir PZR cihazı ilə təmin olunub: “Pandemiya dövründə bu laboratoriyanın bütün COVID laboratoriyalarının qurulmasında müstəsna xidmətləri olub. COVID-in Britaniya ştammı bizim araşdırmalarda müəyyən olundu. Bu gün yeni ştammların araşdırılması üçün mərkəzimizdə işlər aparılır. Bunlar həm elmi səviyyədə, həm də xəstələrin yoluxduğu ştammların aşkarlanması üçün həyata keçirilir".