"Döyüşlərin getdiyi ərazilərdə son günlər daha bir meyit tapılıb, hazırda identifikasiyası üzrə işlər davam etdirilir".
APA-nın məlumatına görə, bunu Baş prokuror Kamran Əliyev deyib.
O bildirib ki, meyitdən DNT analizi götürülüb: "Çox güman ki, itkinlərin sayı 6-ya düşəcək. Bununla bağlı aidiyyəti qurumlarla əməkdaşlığımız davam edir".
Baş prokuror, həmçinin, qeyd edib ki, Birinci Qarabağ Müharibəsində itkin düşən şəxslərin sayı 4 minə yaxındır.