"2021-ci ilin aprelin 1-nə olan məlumata görə, sahibkarlıq sahəsində qadınların çəkisi 27 faiz olub".
APA-nın məlumatına görə, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova "Dövlət qulluğunda gender bərabərliyi üzrə kurikulum" vəsaitinin təqdimat mərasimində deyib.
O bildirib ki, yanvarın 1-nə olan məlumata görə, dövlət qulluqçularının 7339-u qadınlar olub: "2019-cu il üzrə müsahibələrdə uğur qazananlar içərisində daha çox kişilər vardı. Qadınlar yaxşı nəticələr göstərsələr də, vəzifələrə seçimlərdə geri qalıblar".