Külli miqdarda aksiz markası olmayan siqaretlər aşkarlanıb - VİDEO

Külli miqdarda aksiz markası olmayan siqaretlər aşkarlanıb - <span class="red_color">VİDEO
# 18 iyun 2021 14:48 (UTC +04:00)


 
Bakı Baş Gömrük İdarəsinin əməkdaşları ölkə ərazisinə qeyri-qanuni yollarla gətirilən külli miqdarda aksiz markasız siqaretlərin realizə edilməsinin qarşısını alıblar.

Dövlət Gömrük Komitəsinin (DGK) Mətbuat və İctimaiyyətlə Əlaqələr İdarəsindən APA-ya verilən məlumata görə, Baş İdarənin Əməliyyat və Təhqiqat İdarəsinin Əməliyyat şöbəsinə Azərbaycan Respublikası vətəndaşının idarə etdiyi “Mercedes Benz” markalı avtomobili ilə külli miqdarda aksiz markasız siqaretlərin Bakı və Sumqayıt şəhərlərində realizə edilməsi barədə əməliyyat məlumatı daxil olub.

Məlumat təsdiqini tapdıqdan sonra yaradılmış əməliyyat qrupu Bakı şəhəri Yasamal rayonu ərazində əməliyyat-axtarış tədbirləri həyata keçirib və “Mercedes Benz” markalı avtomobil saxlanılıb.

Baxış zamanı avtomobildə, ümumilikdə Azərbaycan Respublikasına məxsus aksiz markası ilə markalanmayan  120 000 ədəd müxtəlif markalı siqaretlər aşkarlanıb.
 
Faktla bağlı araşdırma aparılır.
 

#
#

ƏMƏLİYYAT İCRA OLUNUR