“Sertifikasiyadan keçməyən həkimin diplomu əlindən alınmır”.
APA-nın məlumatına görə, bunu "Tibb işçilərinin sertifikasiyası" mövzusunda çıxışında Səhiyyə Nazirliyi Sertifikasiya Mərkəzinin rəhbəri Murad Mirzəzadə deyib.
O bildirib ki, həmin şəxs praktik tibb fəaliyyətinə buraxılmır: “Diplom heç kimin əlindən alınmır. Sertifikasiya işçini vəzifədən azad etmir. İmtahandan uğurlu keçdikdən sonra həkim praktik fəaliyyətə davam edə bilər. Sertifikasiya Komissiyası kimisə işdən çıxarmır, müqaviləsinə xitam vermir”.
Onun sözlərinə görə, praktik fəaliyyətlə məşğul olmayanlar sertifikasiya imtahanına cəlb olunmurlar: “İki dəfə imtahanda uğursuz olan şəxsin işlədiyi müəssisə tərəfindən əmək müqaviləsinə xitam verilə bilər. Amma həmin şəxs sonra istənilən qədər sertifikasiya imtahanında iştirak edə bilər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
