"Pandemiya başlayandan indiyə qədər qanunsuz miqrantların saxlanma mərkəzində olan əcnəbilər arasında koronavirusa yoluxma qeydə alınmayıb".
APA-nın məlumatına görə, bunu Dövlət Miqrasiya Xidmətinin rəisi Vüsal Hüseynov qurumun 6 aylıq fəaliyyəti ilə bağlı keçirilən onlayn mətbuat konfransında bildirib.
Onun sözlərinə görə, bunun da səbəbi odur ki, saxlama mərkəzləri tez-tez dezinfeksiya olunur, sanitar-epidemioloji qaydalara əməl edilir: “Eyni zamanda, həmin şəxslər müvəqqəti saxlama mərkəzlərinə yerləşdiriləndə müəyyən müddət özünütəcrid qaydasında qalırlar”.