“Ötən il ali təhsilli 1261 həkim sertifikasiya imtahanında iştirak edib”.
APA-nın məlumatına görə, bunu "Tibb işçilərinin sertifikasiyası" mövzusunda çıxışında Səhiyyə Nazirliyi Sertifikasiya Mərkəzinin rəhbəri Murad Mirzəzadə deyib.
O bildirib ki, 2021-ci ildə isə 1641 həkim sertifikasiya imtahanına cəlb olunub və onlardan 2 faizi uğursuz nəticə göstərib: “2020- ci ildə imtahanda iştirak edən 90-92 faiz həkim uğurlu nəticə əldə edib. Həmin həkimlərdən 1458 nəfəri 1-ci cəhddə imtahandan uğurla keçib”.
O əlavə edib ki, bu ilin 5 ayında sertifikasiya imtahanlarında iştirak edən orta tibb işçilərinin 97 faizi imtahandan uğurla keçib.