Slovakiya Milli Şurası ölkədə yeni növ koronavirusla (COVİD-19) əlaqədar epidemioloji vəziyyətin pisləşəcəyi halda qüvvəyə minəcək qanun qəbul edib.
APA-nın xəbərinə görə, bu barədə Slovakiya Televiziyası məlumat yayıb.
Parlamentin iclasında 150 deputatdan 133-ü iştirak edib və onlardan 77-i qanunun qəbuluna səs verib.
Qanuna əsasən, ictimai məkana gələnlərdən mənfi koronavirus testi, xəstəliyi keçirdiyini təsdiq edən sənəd, yaxud da koronavirusa qarşı peyvənd vurdurduğunu təsdiqləyən sertifikat tələb olunacaq.