ÜST Azərbaycanın rayon xəstəxanalarına 100 min tibbi maska təhvil verib - FOTO

ÜST Azərbaycanın rayon xəstəxanalarına 100 min tibbi maska təhvil verib

© APA | ÜST Azərbaycanın rayon xəstəxanalarına 100 min tibbi maska təhvil verib

# 30 oktyabr 2021 14:33 (UTC +04:00)

COVID-19-la mübarizəyə dəstək məqsədilə Ümumdünya Səhiyyə Təşkilatının (ÜST) Azərbaycan Nümayəndəliyi 50 min tibbi maska Şamaxı rayonuna, hər birinə 10 min olmaqla 50 min tibbi maska isə münaqişənin təsirinə məruz qalmış 5 rayonda (Bərdə, Tərtər, Ağdam, Füzuli və Ağcəbədi) yerləşən xəstəxanalara təhvil verib.

ÜST) Azərbaycan Nümayəndəliyindən APA-ya verilən xəbərə görə, yardım Almaniya hökumətinin ÜST-nin vasitəsilə COVID-19 pandemiyasının təsirinə məruz qalmış ölkələr üçün ayırdığı 121 milyon maska tədarükünün tərkib hissəsidir. Qeyd olunub ki, bu tibbi ləvazimatdan 926 min ədəd tibbi maska Azərbaycana göndərilib.
Sözügedən tədbirlərdə ÜST-nin Ölkə Ofisi, İcbari Tibbi Sığorta üzrə Dövlət Agentliyi və TƏBİB-in nümayəndələri iştirak edib və müvafiq qurumlar təhvil-təslim aktını imzalayıblar.
Qeyd edək ki, tibbi maskalar səhiyyə işçiləri və pandemiya dövründə mübarizənin ön cəbhəsində əhali ilə birbaşa təmasda olan şəxslərin istifadəsi üçün yerli tərəfdaşlar arasında paylanıb.

#
#

ƏMƏLİYYAT İCRA OLUNUR