Vəkilliyə qəbul üzrə test imtahanı keçirilir - FOTO

Vəkilliyə qəbul üzrə test imtahanı keçirilir - FOTO
# 02 oktyabr 2021 09:57 (UTC +04:00)

Azərbaycanda vəkilliyə qəbulla bağlı növbəti ixtisas imtahanlarının yazılı test mərhələsi keçirilir.

APA-nın xəbərinə görə, Dövlət İmtahan Mərkəzinin (DİM) kompüter mərkəzində keçirilən imtahanda iki növbəli olmaqla 280 namizəd iştirak edir.

Üç saat davam edəcək imtahanda namizədlərə hüququn müxtəlif sahələrinə aid 100 test sualı təqdim olunur. Bu suallardan 60 mümkün balı toplaya bilən namizədlər imtahanın növbəti. şifahi mərhələsində iştirak edə biləcəklər.

Hər sual 1 balla qiymətləndirilir.

İmtahanda iştirak edən ən yaşlı namizəd 64, ən gənc isə 24 yaşındadır.

Regionlar üzrə namizədlərin təmsil olunma nisbəti Bakı şəhəri üzrə 68 faiz, regionlar üzrə 32 faizdir.

Qeyd edək ki, “Azərbaycan Respublikasında vəkilliyin inkişafı ilə bağlı əlavə tədbirlər haqqında” ölkə Prezidentinin sərəncamı ilə Vəkillər Kollegiyasına ixtisas imtahanlarının müntəzəm keçirilməsini təşkil etməklə, Kollegiyaya yeni üzvlərin qəbul edilməsi üçün şərait yaradılması tövsiyə olunub.

#
#

ƏMƏLİYYAT İCRA OLUNUR