Venesuelanın qərbində Merida ştatında uzun müddət davam edən leysan yağışları nəticəsində Mokotis çayının daşması azı 13 nəfərin həyatına son qoyub.
APA “Frans Press”ə istinadən xəbər verir ki, bu barədə ştatın qubernatoru Ramon Quevara bildirib.
Onun sözlərinə görə, Tovar kəndində 11 nəfərin cəsədi tapılıb: “İki uşaq Pinto Salinas bölgəsində ölüb. Sürüşmə nəticəsində hadisə yerinə giriş çətinləşib. Bir çox ev işıqsız qalıb, telefon əlaqəsi kəsilib”.
Təbii fəlakət Venesuelanın paytaxtı Karakas da daxil olmaqla ölkənin digər bölgələrinə də təsir edib.
Meteoroloqlara görə, azı altı ştatda çaylardakı suyun səviyyəsi yüksələcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
