Sosial

Ana səhifə

Sosial

BNA əməkdaşları COVID-19 əleyhinə vaksinasiya olunur

19 aprel 2021 13:19 (UTC +04:00)

Bakı Nəqliyyat Agentliyi TƏBİB-lə birgə ictimai nəqliyyat sektorunda hərəkətin əsas təminatçılarının vaksinasiyasını davam etdirir.

Agentlikdən APA-ya verilən məlumata görə, ümumilikdə 1600 nəfərdən artıq əməkdaşın peyvənd olunması nəzərdə tutulub. Onlardan bir qismi artıq peyvəndin hər iki dozasını alıb.

"Əməkdaşlara Çin istehsalı olan “Sinovac” şirkətinin "CoronaVac" vaksini vurulur. Həyati əhəmiyyətli sahə olaraq sərnişindaşımalarda dayanıqlılığın təmin olunması baxımından vacib məsələlərdən biri də əməkdaşların sağlamlığının qorunmasıdır. Bunu nəzərə alaraq koronavirus infeksiyasına yoluxma riskini azaltmaq üçün ardıcıl qabaqlayıcı tədbirlər görülür. Bunun sayəsində pandemiya ərzində hər hansı bir marşrut xəttinin və ya istehsalat bazasının yoluxma səbəbindən fəaliyyətinin dayandırılması riski yaranmayıb".