"Bakıda I sinfə qəbul üzrə hər rayonda 2 və ya 3 olmaqla 25 Alternativ Qeydiyyat Mərkəzi fəaliyyət göstərəcək. Fiziki olaraq gələ bilməyən valideynlər üçün 4 Whatsapp nömrəsi vasitəsilə onlayn müraciətlər qəbul edəcəyik".
APA-nın məlumatına görə, bunu 2021-2022-ci tədris ili üzrə I sinfə qəbulla bağlı keçirilən onlayn brifinqdə Bakı Şəhəri üzrə Təhsil İdarəsinin İnformasiya təminatı sektorunun müdiri Namiq Ağayev bildirib.
O qeyd edib ki, bu gün Alternativ Qeydiyyat Mərkəzlərinin ünvanları barədə dəqiq məlumat veriləcək.