"Şagirdlər məktəbə bir girişdən girməyəcək, bütün girişlər açılacaq".
APA-nın məlumatına görə, bunu Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları” barədə qərarına həsr olunan onlayn mətbuat konfransında Təhsil nazirinin müşaviri Rüstəm Ağayev bildirib.
O deyib ki, məktəblərin həyətində şagirdlərin dayanması üçün yerdə işarələr qoyulacaq: "Bütün şagirdlər hərarəti yoxlanmaqla içəri buraxılacaq".
R. Ağayev qeyd edib ki, distant təhsilin keçirilməsinə nəzarət məktəb rəhbərliyinin üzərindədir: "Metodiki göstərişlərdə məktəb rəhbərləri üçün meyarlar var ki, nəyə əsasən müəllimlərin keçdiyi distant təhsili dəyərləndiriləcək".