Xəzərdəki neft-qaz yataqlarında kompleks tədqiqat və monitorinqlər aparılıb

Xəzərdəki neft-qaz yataqlarında kompleks tədqiqat və monitorinqlər aparılıb
# 09 aprel 2021 13:16 (UTC +04:00)

Ekologiya və Təbii Sərvətlər Nazirliyi, Azərbaycan Milli Elmlər Akademiyası və SOCAR-ın mütəxəssislərindən ibarət ekspedisiya qrupu Xəzər dənizinə və onun ətraf mühitinə təsirlərin müəyyənləşdirilməsi, mövcud ekoloji vəziyyətin qiymətləndirilməsi məqsədilə Azərbaycanın Milli Qəhrəmanı Əlif Hacıyevin adını daşıyan elmi-tədqiqat gəmisi ilə Xəzər dənizində monitorinqlər aparıb.

APA-nın xəbərinə görə, bunu ekspedisiya qrupunun rəhbəri Bəxtiyar Seyidov bildirib.

O deyib ki, 31 mart-9 aprel tarixlərində ekspedisiya qrupu tərəfindən Xəzər dənizinin Azərbaycan sektorunda fəaliyyət göstərən “Bahar”, “8 mart”, “Ələt-dəniz”, “Bulla-dəniz”, “Ümid”, “Şahdəniz”, “Abşeron”, “Çıraq”, “Mərkəzi Azəri”, “Günəşli”, “Neft Daşları”, “Palçıq pilpiləsi”, “Çilov”, “Səngəçal-dəniz-Duvannı-dəniz-Xərə-Zirə” neft-qaz yataqlarında kompleks tədqiqatlar və monitorinqlər keçirilib.

Monitorinqlər zamanı 56 müxtəlif koordinat üzrə 219 su, qrunt, zooplankton, bentos və hava nümunələri götürülüb, dəniz üzərində atmosfer havasının çirklənmə vəziyyəti öyrənilib, hidrometeoroloji ölçmələr aparılıb, biomüxtəliflik tədqiq edilib.

#
#

ƏMƏLİYYAT İCRA OLUNUR