“Bayram günlərində yeganə məhdudiyyət ictimai nəqliyyatla bağlı olacaq”.
Azərbaycan Respublikası Səhiyyə nazirinin birinci müavini, nazir əvəzi Teymur Musayev deyib.
O bildirib ki, əlavə heç bir məhdudiyyət tətbiq olunmayacaq: “Nazirlər Kabinetinin bu qərarını xatırlatmaq istədim. Hər birinizdən vaksinasiyaya qoşularaq, ölkəmizi, yaxınlarımızı, normal həyata qaytarmağı xahiş edirəm”.
Qeyd edək ki, Ramazan bayramı ilə əlaqədar mayın 8-dən 16-dək ölkədə bayram günləridir. Həmin günlər ölkə ərazisində ictimai nəqliyyatın fəaliyyəti dayandırılacaq.