FİDE tərəfindən təşkil olunan onlayn şahmat üzrə Millətlər kubokunun əsas mərhələsi başa çatıb.
Apasport.az saytının məlumatına görə, 180 min dollar mükafat fondu olan turnirin 5-ci günü IX və X turun qarşılaşmaları baş tutub.
Azərbaycan millisinin qrossmeysteri Teymur Rəcəbovun yer aldığı Dünya yığması öncə Rusiya ilə üz-üzə gəlib. Vladislav Artemiyevlə oynayan şahmatçımız ilə qələbəsini qazanıb. O, ağ fiqurlarla rəqibindən üstün olub.
Lakin bu qələbə Dünya yığmasının qalib gəlməsinə kömək olmayıb. Matç 2:2 hesablı heç-heçə ilə bitib.
Turun digər oyunlarında Çin Hindistanı, Avropa yığması ABŞ-ı 2,5:1,5 hesabı ilə məğlub edib.
X turda Rəcəbovun komandası Avropa ilə görüşüb. Həmyerlimizin Maksim Vaşye-Laqravla heç-heçə etdiyi oyun elə “sülh”lə yekunlaşıb – 2:2
Digər matçlarda Rusiya Hindistanı, ABŞ Çini 2,5:1,5 hesabı ilə məğlub edib.
Beləliklə, 10 turdan sonra 17 xalla birinci olan Çin və ondan 4 xal toplayan ABŞ superfinalda oynayacaq. Cəmi 4 xal yığan Dünya yığması isə yarışı sonuncu pillədə başa vurub.
Qeyd edək ki, Rəcəbov əvvəlki 8 turda 4-ü heç-heçəyə nail olub və 3 dəfə uduzub. Bir matçda isə istirahət edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
