Qadın voleybolçulardan ibarət Azərbaycan milli komandasının yekun heyəti açıqlanıb.
Apasport.az saytının məlumatına görə, yığmamızın baş məşqçisi Vüqar Əliyev Qızıl Avropa Liqasında güvənəcəyi “13-lüy”ü müəyyənləşdirib.
O, turnirdə əsasən gənclərə güvənəcək. Bu gün Rumıniyaya yollanan millimiz rəsmi görüşlərdən öncə ev sahibi ilə bir neçə yoldaşlıq oyununda da qüvvəsini sınayacaq.
Azərbaycan millisinin heyəti:
Libero: 1. Leyla Parşkova, 19. Bəyaz Əliyeva, 16. Yuliya Kərimova;
Toppaylayıcılar: 14. Kristina Besman, 15. Raziyə Əliyeva, 18. Şəfaqət Alışanova;
Blokçular: 6. Ayşən Abduləzimova, 8. Nilufər Ağazadə, 10. Anastasiya Mertsarova, 21. Kseniya Pavlenko, 22. Mariya Kirilyuk;
Hücumçular: 4. İlhamə Əliyeva, 11. Anastasiya Bayduk.
Qeyd edək ki, mükafat fondu 413 min avro olan Qızıl Avropa Liqasının A qrupunda yer alan millimiz Fransa, Rumıniya və İspaniya ilə mübarizə aparacaq. Komandalar ilk dövrəni mayın 28-30-da Rumıniyada, ikinci dövrəni iyunun 4-6-da Fransada oynayacaqlar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
