"Ölkənin ən vacib məsələlərindən biri turizm dəhlizləri boyunca sanitar qovşaqların olmamasıdır".
APA-nın məlumatına görə, bunu Azərbaycan Turizm Sammitində çıxış edən Dövlət Turizm Agentliyinin Aparat rəhbəri Kənan Qasımov bildirib.
Onun sözlərinə görə, bu, regionlara gedən turistləri çox narahat edir: "Sevindirici haldır ki, artıq bununla bağlı işlər görülür və yekunlaşmaq üzrədir. Turizm dəhlizləri boyu müəyyən olunmuş sahələrdə sanitar qovşaqların tikintisi nəzərdə tutulub. Bu istiqamətdə 50-dək infrastruktur tikiləcək".