Xarici siyasət

Ana səhifə

Xarici siyasət

Vasili İstratov: “Moskva türkmən qazının Azərbaycan vasitəsilə nəqli məsələsindən narahat deyil”

30 mart 2007 15:15 (UTC +04:00)

APA-nın xəbərinə görə, bu sözləri Rusiyanın Azərbaycandakı səfiri Vasili İstratov rəsmi Bakının türkmən qazının Azərbaycan vasitəsilə nəql olunması barədə bəyanatlarına münasibət bildirərkən deyib. Onun sözlərinə görə, qazı hansı potensial və ya artıq mövcud olan marşrutlar vasitəsilə ixrac etməyin daha faydalı olduğuna Türkmənistan özü qərar verəcək. Səfir bildirib ki, Türkmənistan üçün karbohidrogen ehtiyatlarının nəqli üzrə 4 marşrut mövcuddur və bunlardan məhz birinin seçilməsində heç kim təkid edə bilməz. Rusiyanın mövqeyinə aydınlıq gətirən diplomat Moskvanın türkmən qazının Azərbaycan vasitəsilə nəqli məsələsindən narahatlıq keçirmədiyini, əksinə, bu ideyaya diqqət göstərdiyini söyləyib. /APA/