Xarici siyasət

Ana səhifə

Xarici siyasət

İraqın Azərbaycandakı səfiri: “PKK dağda yaşayır, onları dağda tuta bilməzsən”

24 oktyabr 2007 11:17 (UTC +04:00)

“Hazırda Türkiyə ilə İraqın münasibətləri çox yaxşıdır. Türkiyənin xarici işlər naziri dünən İraqda idi. Biz bildirdik ki, əgər Türkiyəyə ziyan verirsə, PKK-nın İraqda yaşamasını qəbul etmirik. İraq heç bir vaxt qəbul etməz ki, onun ərazisində qonşu ölkəyə əziyyət verən bir təşkilat olsun. Bu, bizim yeni Konstitusiyamızda da yazılıb”. APA-nın məlumatına görə, bu sözləri jurnalistlərə açıqlamasında İraqın Azərbaycandakı səfiri Ərşad Ömər İsmayıl deyib. PKK-nı terror təşkilatı kimi tanıdıqlarını vurğulayan səfir terrorçuların dağda yaşadıqlarını söyləyib: “PKK dağlarda yaşayır, onları dağda tuta bilməzsən. Amma İraq hökuməti PKK-nın ardınca düşəcək. Biz Türkiyə hökumətinin yardımı ilə PKK-nın inkişafına imkan vermərik”. /APA/