Daxili işlər naziri İsveçrə Konfederasiyasının Azərbaycana yeni təyin olunmuş səfirini qəbul edib
25 yanvar 2008 14:20 (UTC +04:00)
Daxili işlər naziri general-polkovnik Ramil Usubov İsveçrə Konfederasiyasının Azərbaycana yeni təyin olunan fövqəladə və səlahiyyətli səfiri Aleyn Quidettini qəbul edib. Daxili İşlər Nazirliyinin mətbuat xidmətindən APA-ya daxil olan məlumata görə, görüşdə R. Usubov Azərbaycanın müstəqilliyinin ilk illərində hökm sürən gərgin ictimai-siyasi və kriminogen durum, Ermənistanın hərbi təcavüzü və s. barədə danışıb. Azərbaycanın hazırda MDB məkanında əhalinin hər yüz min nəfərinə düşən cinayətlərin sayına görə sonuncu yerlərdən birini tutduğunu deyən nazir bildirib ki, ölkədə kriminogen durum nəzarət altındadır. R. Usubov Azərbaycanın erməni terrorizmindən əziyyət çəkdiyini, münaqişə başlayandan ermənilər tərəfindən ölkədə törədilən 30-dan çox terror hadisəsi nəticəsində iki mindən artıq dinc sakinin həlak olduğunu qeyd edib. Nazir beynəlxalq terrorçuluq, narkotiklərin qanunsuz dövriyyəsi, insan alveri və qeyri-qanuni miqrasiya kimi təhlükəli bəlalara qarşı birgə mübarizə aparılmasının zəruriliyini vurğulayıb. A. Quidetti isə diplomatik fəaliyyəti dövründə iki ölkənin hüquq-mühafizə orqanları arasında əməkdaşlığın inkişafı üçün səylər göstərəcəyini bildirib. /APA/
Xarici siyasət
Ərdoğan: Qarabağda hansı addımı atdıqsa, qarşımıza böyük qlobal ittifaq çıxdı
15:20
28 mart 2024
Hikmət Hacıyev NATO-nun sabiq Baş katibi Rasmussenlə bağlı paylaşım edib
23:13
27 mart 2024
Deputat: Qərb Cənubi Qafqazı növbəti müharibə məkanına çevirməkdə qərarlıdır
20:47
27 mart 2024
Rusiya XİN Azərbaycan və Ermənistan arasındakı anklavlarla bağlı mövqeyini açıqlayıb
18:43
27 mart 2024