Xarici siyasət

Ana səhifə

Xarici siyasət

ABŞ-ın Azərbaycandakı səfiri: “Güman edirik ki, “Çap Evi” mətbəəsində adi yoxlama aparılır”

28 yanvar 2008 13:58 (UTC +04:00)

Səfir bildirib ki, “Çap Evi” çox vacib funksiyanı yerinə yetirir: “Mətbəədə müxalifət və müstəqil qəzetlər çap olunur. Bundan başqa, “Qanun” jurnalında da insan hüquqları sahəsində analitik materiallar olur. Hesab edirəm ki, məlumatın çoxluğu həmişə yaxşıdır. Yaxşı olar ki, Azərbaycandan çoxlu belə mətbəə fəaliyyət göstərsin və medianın azadlığına kömək etsin”.
Səfir Azərbaycan prezidenti İlham Əliyev və ABŞ dövlət katibi Kondaliza Raysın Davosdakı görüşündə hansı məsələlərin müzakirə edildiyindən xəbərsiz olduğunu söyləyib. O bildirib ki, belə görüşlərdə adətən, demokratiya, təhlükəsizlik və enerji məsələləri müzakirə olunur. Səfir deyib ki, bu il Azərbaycanda keçiriləcək prezident seçkisində ABŞ beynəlxalq təşkilatlar və Azərbaycan hökuməti ilə əməkdaşlıq edəcək: “Çalışacağıq ki, Azərbaycanda ədalətli seçki keçirilsin”. /APA/