ABŞ dövlət katibi və Çavuşoğlu Qarabağı müzakirə edib

Mövlud Çavuşoğlu, Entoni Blinken

© APA | Mövlud Çavuşoğlu, Entoni Blinken

# 22 sentyabr 2021 10:51 (UTC +04:00)

ABŞ dövlət katibi Entoni Blinken Türkiyənin xarici işlər naziri Mövlud Çavuşoğlu ilə görüşüb.

APA-nın xəbərinə görə, bu barədə ABŞ Dövlət Departamenti məlumat yayıb.

Bildirilib ki, Nyu-Yorkda BMT Baş Assambleyasının 76-cı sessiyası çərçivəsində baş tutan görüşdə tərəflər ABŞ-Türkiyə əməkdaşlığının müxtəlif sahələrinə dair fikir mübadiləsi aparıblar.

Məlumatda qeyd olunub ki, Türkiyə NATO-nun vacib müttəfiqidir və görüş zamanı Əfqanıstandakı birgə səylər, həmçinin regional məsələlər müzakirə edilib.

TASS-ın məlumatına görə isə görüşdən sonra media nümayəndələrinə açıqlama verən ABŞ Dövlət Departamentinin yüksək vəzifəli nümayəndəsi bildirib ki, E. Blinken və M. Çavuşoğlu Cənubi Qafqaz, Qarabağ, Azərbaycan və Ermənistana dair də müzakirələr aparıb.

#
#

ƏMƏLİYYAT İCRA OLUNUR