Azərbaycan diplomatik nümayəndəliklərin saxlanılması və beynəlxalq fəaliyyət üçün xərcləri 24 faiz artırır

Azərbaycan diplomatik nümayəndəliklərin saxlanılması və beynəlxalq fəaliyyət üçün xərcləri 24 faiz artırır
# 27 oktyabr 2021 11:11 (UTC +04:00)

Gələn il dövlət büdcəsindən beynəlxalq münasibətlər üçün ayrılacaq vəsait məlum olub.
APA-nın məlumatına görə, bu, "Azərbaycan Respublikasının 2022-ci il dövlət büdcəsi haqqında" qanun layihəsində əksini tapıb.
Layihəyə əsasən, 2022-ci ilin dövlət büdcəsindən beynəlxalq münasibətlər üçün 361 900 000 manat vəsait ayrılacaq.
Beləliklə, 2021-ci illə müqayisədə 2022-ci ildə beynəlxalq münasibətlər üçün xərclərin 24 faiz artırılması nəzərdə tutulub. 2021-ci ildə bu məqsədlə 274 300 000 manat vəsait ayrılıb.
Qeyd edək ki, bu bölmə üzrə ayrılan vəsaitlər beynəlxalq və regional təşkilatlarla və maliyyə institutları ilə əməkdaşlıq, Azərbaycan Respublikasının xaricdəki diplomatik nümayəndəlikləri və konsulluqların saxlanılması, beynəlxalq fəaliyyət və bu qəbildən olan digər tədbirlərin keçirilməsi, beynəlxalq səviyyəli tədbirlərin keçirilməsi, Azərbaycan Respublikasının xaricdəki diplomatik nümayəndəliklərinin və konsulluqlarının fəaliyyəti ilə bağlı digər xərclər üçün nəzərdə tutulur.

#
#

ƏMƏLİYYAT İCRA OLUNUR