Azərbaycan və Səudiyyə Ərəbistanı XİN-ləri arasında məsləhətləşmələr keçirilib

XİN bina

© APA | XİN bina

# 29 noyabr 2021 17:54 (UTC +04:00)

Bu gün Əl-Riyad şəhərində Azərbaycan Respublikası və Səudiyyə Ərəbistanı Krallığının Xarici İşlər Nazirlikləri (XİN) arasında məsləhətləşmələrin birinci raundu keçirilib.

Azərbaycan XİN-in Mətbuat xidməti idarəsindən APA-ya verilən xəbərə görə, məsləhətləşmələrdə Səudiyyə Ərəbistanı tərəfini xarici işlər nazirinin müavini Valid bin Əbdülkərim Əl-Xureyci, Azərbaycan tərəfini isə xarici işlər nazirinin müavini Fariz Rzayev təmsil edib.

Görüşdə iki ölkə arasındakı münasibətlərin hazırkı vəziyyəti, habelə ikitərəfli əlaqələrin siyasi, iqtisadi, humanitar və digər sahələrdə inkişafı yolları müzakirə olunub. Tərəflər, həmçinin qarşılıqlı maraq doğuran regional və qlobal xarakterli məsələlərə dair fikir mübadiləsi aparıblar.

Azərbaycan tərəfi bölgədə münaqişə sonrası mövcud olan vəziyyət, o cümlədən azad olunmuş ərazilərdə bərpa, quruculuq, reinteqrasiya işləri barədə məlumat təqdim edib.

#
#

ƏMƏLİYYAT İCRA OLUNUR