Xarici siyasət

Ana səhifə

Xarici siyasət

Bəhruz Məhərrəmov: “Hansısa əyalət mollasının, generalın fikirləri Azərbaycanda gündəm yaratmamalıdır”

Bəhruz Məhərrəmov, Milli Məclisin deputatgı

12 oktyabr 2021 11:32 (UTC +04:00)

“Vətən müharibəsindən sonra Azərbaycan nümayiş etdirdi ki, qələbəni qazandığı kimi, zəfərimizin nəticələrini qorumağı da bacardı. Biz işğala təcavüzə son qoymaqla bölgə xalqları üçün ümid yerinə çevrildik, terror meyllərindən və separatizmdən əziyyət çəkən dövlətlər üçün presedent ünvanı hesab olunmağa başladıq”.
APA-nın məlumatına görə, bunu Milli Məclisin bu gün keçirilən iclasında deputat Bəhruz Məhərrəmov bildirib.
Deputat deyib ki, ona görə də biz gücümüzün fərqinə varmalı, hansısa əyalət mollası, yaxud səlahiyyət həddini bilməyən hansısa general bizim üçün gündəm yaratmamalıdır: “Biz özümüz regionun gündəmini yaradan gücük. Əsas diqqətin sülhün sabitliyin etibarlı təminatçısı olan şanlı ordumuzun peşəkarlığının artırılmasına, qardaş dövlətlərlə birgə hərbi təlimlərlə dünyaya sülh mesajlarının bəyan olunmasına yönəltməliyik. Necə ki, Pakistan, Türkiyə və Azərbaycan birgə “Üç qardaş” hərbi təlimi ilə müsbət mənada səs yaratdı, necə ki, Azərbaycan hərbçiləri Türkiyədən dünyaya sülh mesajı verdi, eləcə də biz də qardaş Pakistanla birgə Pakistanın ərazisindən hərbi təlimlərimizlə sülh və sabitliyin pozulmaz olduğu mesajını verməliyik. Eləcə də dost Səudiyyə Ərəbistanla Körfəzdən sülhə, sabitliyə birgə dəstəyimizi ifadə etməliyik. Bu bölgə artıq münaqişələrdən bezib, indi Azərbaycan münaqişəyə son qoymaqla, işğal və təcavüz faktorunu aradan qaldırmaqla region üçün mükəmməl bir imkan yaradıb. Artıq bu imkandan faydalanmağın zamanıdır”.