Ərdoğan: “Müdafiə sənayesi sahəsində Türkiyə-Azərbaycan əlaqələri daha da inkişaf edəcək” - VİDEO

Ərdoğan: “Müdafiə sənayesi sahəsində Türkiyə-Azərbaycan əlaqələri daha da inkişaf edəcək” - <span class="red_color">VİDEO

© APA | Rəcəb Tayyib Ərdoğan

# 15 iyun 2021 18:10 (UTC +04:00)

“Pandemiyaya baxmayaraq, kənd təsərrüfatından enerjiyə, nəqliyyatdan turizmə, müdafiədən təhsil və mədəniyyətə qədər hər sahədə əməkdaşlığımızı inkişaf etdirmək üçün birgə səylərimizi qətiyyətlə davam etdiririk. Bütün bunlardan başqa, müdafiə sənayesi sahəsində əlaqələrimizi texnologiya transferi və birgə istehsal layihələri ilə daha da gücləndiririk”.

APA-nın xəbərinə görə, bu barədə Türkiyə Prezidenti Rəcəb Tayyib Ərdoğan iyunun 15-də Şuşada mətbuata bəyanatında bildirib.

İkinci Qarabağ müharibəsində pilotsuz uçuş aparatlarının önəmini xüsusi vurğulayan Türkiyə Prezidenti qeyd edib ki, müdafiə sənayesi sahəsində əlaqələr bundan sonra daha fərqli şəkildə inkişaf edəcək.

“Bu fərqli inkişafla yanaşı, Azərbaycan bir bazar deyil, eyni zamanda, bu prosesdə istehsal mərkəzi olma imkanı da əldə edəcək. Bizim gücümüz Azərbaycanın gücü, Azərbaycanın gücü də bizim gücümüzdür”, - deyə Ərdoğan vurğulayıb.

#
#

ƏMƏLİYYAT İCRA OLUNUR