İspaniya Azərbaycanlıları Birliyi Azərbaycan media nümayəndələrinin minaya düşərək həlak olması ilə bağlı dünya ictimaiyyətinə müraciət edib.
Diasporla İş üzrə Dövlət Komitəsindn APA-ya verilən məlumata görə, İspaniya Azərbaycanlıları Birliyi 4 iyun 2021-ci il tarixdə Kəlbəcərdə baş vermiş dəhşətli hadisə ilə bağlı beynəlxalq təşkilatlara müraciət ünvanlayıb.
Təşkilatın sədri Vahid İmanov bildirib ki, bəyanatda Kəlbəcər rayonu ərazisində Ermənistan tərəfindən basdırılmış minaların partlaması nəticəsində Azərbaycan Dövlət İnformasiya Agentliyinin (AZƏRTAC) əməkdaşı Məhərrəm İbrahimov, Azərbaycan Televiziyasının operatoru Sirac Abışov və Kəlbəcər rayon İcra Hakimiyyəti başçısının Susuzluq kənd inzibati dairəsi üzrə nümayəndəsinin müavini Arif Əliyevin həlak olması və 4 nəfərin yaralanması vurğulanıb.
Bəyanatda baş verən dəhşətli hadisə Ermənistanın beynəlxalq konvensiyalara məhəl qoymamasının, mina xəritələrini Azərbaycana təhvil verməməklə regionda qarşıdurma yaratmasının acı nəticəsi kimi qiymətləndirilib.
İspaniya Azərbaycanlıları Birliyi beynəlxalq ictimaiyyəti Ermənistanın yolverilməz davranışlarına biganə qalmamağa, mina xəritələrini Azərbaycana təhvil verməsini, beynəlxalq hüquqla müəyyən olunan öhdəliklərə əməl etməsini tələb etməyə çağırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
