"Səbinə Əliyevanın dəvəti ilə Azərbaycana səfərə gəlmişik".
APA-nın məlumatına görə, bunu Bolqarıstanın Ayrı-seçkilik əleyhinə Müdafiə Komissiyasının sədri Ana Cumaliyeva jurnalistlərə açıqlamasında deyib.
O bildirib ki, səfər çərçivəsində iki qurum arasında əməkdaşlıq haqqında memorandum imzalanıb: "Bu səfər həmçinin gələcək əməkdaşlığımızın göstəricisi olacaq. Dəvətə görə təşəkkür edirəm. İnsan hüquqlarının səmərəli müdafiəsi sahəsində gələcək əməkdaşlığa ümid edirik".
Qeyd edək ki, 24-27 oktyabr tarixlərində Azərbaycanda olan nümayəndə heyəti Ağdam və Tərtərə səfər edəcəklər.