Pakistan Milli Assambleyasının sədri Sahibə Qafarovaya təbrik məktubu ünvanlayıb

Pakistan Milli Assambleyasının sədri Sahibə Qafarovaya təbrik məktubu ünvanlayıb
# 06 noyabr 2021 14:07 (UTC +04:00)

Pakistan İslam Respublikası Milli Assambleyasının sədri Əsəd Qeysər Milli Məclisin sədri Sahibə Qafarovaya 8 noyabr – Zəfər Günü münasibətilə təbrik məktubu ünvanlayıb.

Milli Məclisin Mətbuat və ictimaiyyətlə əlaqələr şöbəsindən APA-ya verilən məlumata görə, məktubda Pakistan Parlamentinin Milli Assambleyasının spikeri 44 günlük Vətən müharibəsinin birinci ildönümü münasibətilə təbriklərini ifadə edib, ötənilki müharibədə Azərbaycanın qələbəsini əlamətdar nailiyyət kimi qiymətləndirib.

Əsəd Qeysər Azərbaycan ərazilərinin işğaldan azad edilməsinin Pakistanda da qeyd olunduğunu vurğulayıb. Bildirib ki, bu nailiyyətə görə Azərbaycan rəhbərliyi, silahlı qüvvələri və xalqı hörmətə və alqışa layiqdir.

Spiker məktubunda Azərbaycanın işğal olunmuş torpaqlarının azad edilməsində yüksək peşəkarlıq və şücaət göstərmiş Vətən müharibəsi şəhidlərinə öz ehtiramını bildirib. Diqqətə çatdırıb ki, Pakistan hökuməti, parlamenti və xalqı hər zaman BMT qətnamələrinə uyğun olaraq Azərbaycanın ərazi bütövlüyünü dəstəkləyib və işğaldan azad edilmiş ərazilərin bərpası və yenidən qurulması işində Azərbaycanı bundan sonra da dəstəkləyəcək.

Pakistan Milli Assambleyasının sədri qardaş Azərbaycan xalqına tərəqqi və firavanlıq arzularını ifadə edib.

#
#

ƏMƏLİYYAT İCRA OLUNUR