Rusiyanın Kemerovo vilayətində Qarabağ uğrunda 44 günlük müharibədə şəhid olanların xatirəsinə həsr olunan abidə ucaldılıb.
APA-nın Rusiya bürosunun məlumatına görə, 27 sentyabr 2020-ci ildə 44 gün ərzində Azərbaycan Silahlı Qüvvələrinin möhtəşəm qələbəsi ilə nəticələnən, əks-hücum əməliyyatının başlandığı günün ildönümündə Kemerovo vilayətinin Mıski şəhərində şəhidlərimizə memorial ucaldılıb.
Yerli Azərbaycan diasporu tərəfindən ucaldılan abidə məscidin həyətində quraşdırılıb.