Serbiya XİN başçısı: "Azərbaycan Prezidenti Serbiyaya səfər edəcək"

Serbiya XİN başçısı: "Azərbaycan Prezidenti Serbiyaya səfər edəcək"

© APA | Nikola Selakovic

# 26 iyul 2021 15:31 (UTC +04:00)

Azərbaycan Prezidenti İlham Əliyev Serbiyaya səfər edəcək.

APA-nın xəbərinə görə, bunu Serbiyanın xarici işlər naziri Nikola Selakovic azərbaycanlı həmkarı ilə birgə keçirdiyi mətbuat konfransında deyib.

"Bu ilin oktyabrında Serbiya Prezident İlham Əliyevə ev sahibliyi edəcək və bu səfər iki ölkə arasında bir sıra sazişlərin imzalanması üçün imkan yaradacaq", -deyə serbiyalı nazir bildirib.

Onun sözlərinə görə, bu səfər Qoşulmama Hərəkatının birinci konfransının 60-ci il dönümü ilə bağlı keçiriləcək beynəlxalq konfransdan bir gün əvvəl baş tutacaq.

Qeyd edək ki, bu ilin oktyabrın 11-12-də Belqradda Qoşulmama Hərəkatının ilk konfransının 60 illiyi ilə bağlı beynəlxalq konfrans keçiriləcək.

#
#

ƏMƏLİYYAT İCRA OLUNUR