“Biz sabah Şuşa, Tərtər və Ağdama gedib Qarabağda olan dağıntılarla bağlı hesabat hazırlayacağıq, eyni zamanda, orada ermənilər tərəfindən basdırılan minalarla bağlı hesabatımız olacaq”.
APA-nın məlumatına görə, bunu İslam Əməkdaşlıq Təşkilatı (İƏT) Ombudsmanlar Assosiasiyasının prezidenti, Türkiyənin Baş Ombudsmanı Şərəf Malkoç Türkiyə Səfirliyində keçirilən tədbirdə deyib.
Onun sözlərinə görə, bu hesabatlar beynəlxalq təşkilatlara göndəriləcək: “Həmçinin Ermənistanın insanlığa qarşı cinayətləri ilə bağlı da hesabatımız olacaq. Bu hesabat beynəlxalq məhkəmələrə göndəriləcək”.