UNESCO-nun Baş direktoru Audrey Azoulay iyunun 4-də Kəlbəcər rayonunda azərbaycanlı jurnalistlər Sirac Abışov və Məhərrəm İbrahimovun ölümünü pisləyib.
APA-nın xəbərinə görə, bu barədə UNESCO-nun saytında bildirilib.
"Sirac Abışov və Məhərrəm İbrahimovun faciəli ölümlərindən şok oldum. Şəxsi təhlükəsizlik riski olmadan jurnalistlər öz peşələrini yerinə yetirə bilməlidirlər", - deyə UNESCO-nun baş direktoru vurğulayıb.
Xatırladaq ki, iyunun 4-də Kəlbəcər rayonunun Susuzluq kəndi ərazisində hərəkət olan yolda çəkiliş qrupunun üzvlərini aparan nəqliyyat vasitəsi tank əleyhinə minaya düşüb. Nəticədə “Azərtac”ın müxbiri Məhərrəm İbrahimov, AzTV-nin operatoru Sirac Abışov və Kəlbəcər RİH başçısının Susuzluq kənd inzibati ərazi dairəsi üzrə nümayəndəsinin müavini Arif Əliyev həlak olub, 4 nəfər yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
