Azərbaycan Prezidenti Klaus Verner İohannisi yenidən Rumıniya Prezidenti seçilməsi münasibətilə ilə təbrik edib

Azərbaycan Prezidenti Klaus Verner İohannisi yenidən Rumıniya Prezidenti seçilməsi münasibətilə ilə təbrik edib
# 27 noyabr 2019 11:38 (UTC +04:00)

Azərbaycan Respublikasının Prezidenti İlham Əliyev Klaus Verner İohannisə yenidən Rumıniya Prezidenti seçilməsi münasibətilə təbrik məktubu göndərib.

APA xəbər verir ki, təbrik məktubunda deyilir:

"Hörmətli cənab Prezident,

Rumıniyanın Prezidenti vəzifəsinə yenidən seçilməyiniz münasibətilə Sizi ürəkdən təbrik edirəm.

İnanıram ki, xalqlarımızın mənafelərinə uyğun olaraq Azərbaycan-Rumıniya dostluğu və əməkdaşlığının, ölkələrimiz arasındakı strateji tərəfdaşlıq münasibətlərinin daha da möhkəmləndirilməsi və inkişaf etdirilməsi istiqamətində bundan sonra da birgə səylər göstərəcəyik.

Bu xoş fürsətdən istifadə edərək ölkənizin milli bayramı – Müstəqillik Günü münasibətilə Sizə və bütün xalqınıza öz adımdan və Azərbaycan xalqı adından ən səmimi təbriklərimi yetirirəm.

Sizə möhkəm cansağlığı, işlərinizdə uğurlar, dost Rumıniya xalqına daim əmin-amanlıq və firavanlıq arzulayıram". 

 

#
#

ƏMƏLİYYAT İCRA OLUNUR