Səfirlik: Moskvada Müslüm Maqomayevin abidəsini təhqir edənlər müəyyən olunub

Səfirlik: Moskvada Müslüm Maqomayevin abidəsini təhqir edənlər müəyyən olunub
# 29 oktyabr 2020 17:27 (UTC +04:00)

 

Oktyabrın 27-də saat 10:48-də iki naməlum şəxs Müslüm Maqomayevin Azərbaycanın Rusiyadakı Səfirliyinin inzibati binasının yaxınlığında yerləşən abidəsinin postamentinin üzərində antiAzərbaycan məzmunlu lövhə yerləşdirib və onu dəmir zəncirlə bərkidib.

Səfirliyin mətbuat xidmətindən APA-nın Moskva müxbirinə verilən məlumata görə, məlum lövhə aşkar olunandan sonra dərhal məhv edilib.

Məlum faktla bağlı Səfirlik tərəfindən Moskva şəhərinin hüquq-mühafizə orqanlarına müraciət olunub və operativ şəkildə bütün lazımi tədbirlər görülüb.

Qeyd olunub ki, məlum təxribatı törədənlər müəyyən olunub və onlar Rusiya Federasiyasının qanunları çərçivəsində bütün ciddiyyəti ilə cəzalandırılacaqlar.

 

#
#

ƏMƏLİYYAT İCRA OLUNUR