Ordu

Ana səhifə

Ordu

Səfər Əbiyev: “Heç bir ölkə Azərbaycanı İrana qarşı çevirə və bizim ərazimizdən İrana qarşı istifadə edə bilməz”

13 mart 2012 10:35 (UTC +04:00)

Biz İran xalqının dinc yaşayışının, siyasi və iqtisadi inkişafının tərəfdarıyıq. Çalışmalıyıq ki, bizi bağlayan mənəvi tellərə zərər dəyməsin”. Müdafiə Nazirliyinin mətbuat xidmətindən APA-ya verilən məlumata görə, bu fikirləri müdafiə naziri general-polkovnik Səfər Əbiyev Tehranda keçirdiyi mətbuat konfransında deyib.

Müdafiə naziri Azərbaycan ərazisindən İrana qarşı istifadənin mümkünsüz olduğunu deyib: “Bəzi beynəlxalq təşkilatlar və ölkələrlə əməkdaşlığımıza gəlincə deməliyəm ki, bu, beynəlxalq qanunlara söykənməklə heç bir digər ölkənin əleyhinə yönəlmir. Bu mənada da heç bir ölkə Azərbaycanı İrana qarşı çevirə bilməz və bizim ərazimizdən İrana qarşı istifadə edə bilməz. Bu, Azərbaycanın birmənalı mövqeyidir. Bu mövqe cari ilin 7 mart tarixində Azərbaycan, İran və Türkiyə xarici işlər nazirlərinin Naxçıvanda keçirilən üçtərəfli görüşündə qəbul edilmiş Bəyanatda bir daha əksini tapıb və tərəflər öz ərazilərinin düşmənçiliyə gətirib çıxara bilən hər hansı bir təhdid və ya fəaliyyət üçün istifadə edilməsinə heç bir halda icazə verməyəcəkləri barədə qətiyyətli olduqlarını ifadə ediblər”.

Səfər_Əbiyev