Bakı-APA. Azərbaycan Əmək və Sosial Münasibətlər Akademiyası (AƏSMA) Türkiyə Respublikası Cəlal Bayar Dövlət Universiteti ilə əməkdaşlıq protokolu imzalayıb. AƏSMA-nın mətbuat xidmətindən APA-ya verilən xəbərə görə, Türkiyə Respublikası Cəlal Bayar Dövlət Universiteti rektoru professor A.Kemal Çelebinin rəhbərlik etdiyi universitetin əməkdaşlarından ibarət heyət AƏSMA-da olub.
Tərəflər arasında qarşılıqlı fikir mübadiləsi aparıldıqdan sonra, akademiyanın rektoru Hüseyn Qaraşov qonaqları maraqlandıran sualları cavablandırıb və nümayəndə heyətini akademiyada aparılan imtahan prosesi, sosial dərnəklərin fəaliyyəti və tədris binaları ilə tanış edib.
Çıxışlardan və akademiya ilə tanışlıqdan sonra iki ali təhsil ocağı arasında memorandum (əməkdaşlıq protokolu) imzalanıb. Protokola əsasən, iki təhsil ocağı arasında professor-müəllim və tələbə mübadiləsi, birgə tədbirlərin keçirilməsi nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
