Minskdə Ukrayna üzrə təmas qrupunun görüşü keçiriləcək

Minskdə Ukrayna üzrə təmas qrupunun görüşü keçiriləcək
# 03 sentyabr 2015 01:28 (UTC +04:00)

Bakı-APA. Sentyabrın 3-də Minskdə Ukrayna üzrə üçtərəfli (ATƏT, Ukrayna, Rusiya) təmas qrupunun təhlükəsizlik üzrə yarımqrupun görüşü keçiriləcək.

APA-nın “Interfaks” agentliyinə istinadən verdiyi məlumata görə, bu barədə Belarus XİN-in mətbuat katibi Dmitri Mironçik bildirib.

“Görüş mətbuat üçün qapalı rejimdə keçiriləcək”, deyə D.Mironçik bildirib.

Qeyd edək ki, avqustun 26-da Minskdə təmas qrupu və dörd yarımqrupun (təhlükəsizlik, humanitar, siyasi və sosial-iqtisadi məsələlər üzrə) iclası baş tutub. Sentyabrın 1-dən etibarən Donbasda atəşkəs haqqında razılığa gəlinib.

Sentyabrın 1-də isə birgə əlaqələndirilmə və nəzarət Mərkəzinin nümayəndələri və Donbasdakı qondarma respublikaların nümayəndələrinin iştirakı ilə təmas qrupunun video konfransı keçirilib. Tərəflər atəşkəs rejiminə əməl olunması məsələlərinə toxunub.

Sentyabrın 3-də baş tutan danışıqlarda Donbasda 100 mm və daha az çaplı silahların geri çəkilməsinə dair müzakirələr davam edəcək.

#
#

ƏMƏLİYYAT İCRA OLUNUR