"İcmalar iqlim dəyişikliyinin mənfi təsirlərindən əziyyət çəkməkdə davam edir".
APA xəbər verir ki, bunu Azərbaycan xarici işlər nazirinin müavini, COP 29-un baş danışıqçısı Yalçın Rəfiyev Bakıda “COP29-a Aparan Yol: Dayanıqlı və davamlı gələcək” mövzusunda keçirilən Yüksək Səviyyəli 29-cu Toplantıda çıxışında deyib:
"Temperatur artımının 1,5 dərəcə daxilində saxlanılması ilə bağlı Paris razılaşmasından irəli gələn öhdəliklərimizi yerinə yetirmək yolunda olub-olmadığımızı qiymətləndirməyə çalışsaq, aydındır ki, cavab “xeyr”dir. Statistikaya, rəqəmlərə nəzər salsaq, Ümumdünya Meteorologiya Təşkilatının məlumatına görə, 2023-cü il tarixdə ən isti il olub. Temperaturda rekordlar qeydə alınıb və biz ən azı yaxın gələcəkdə bunun yaxşılaşacağını gözləyə bilmərik".
COP29-un baş danışıqçısı bildirib ki, o, yaxın zamanlarda iqlim konfransına hazırlıq məqsədilə ada ölkələrində səfərlərdə olub: "Beləliklə, bu ölkələrdə temperatur həddinin 1,5 dərəcədə olmasının nə qədər vacib olduğunu hiss edə bilərsiniz. Bu insanlar həqiqətən ekzistensial çətinliklərlə üzləşirlər".
O deyib ki, istixana qazlarının emissiyasına yalnız iqtisadiyyatın müəyyən sektorları töhfə vermir, sənaye, nəqliyyat, kənd təsərrüfatının da rolu var: "Turizm qlobal istixana qazı emissiyasının 8 faizini təşkil edir. Yalnız mülki aviasiya qlobal istixana qazı emissiyasının 2 faizini təşkil edir. İstixana qazlarını azaltmamaq üçün məsələyə kompleks yanaşmaq lazımdır. Və emmisiyalar təkcə karbon qazı deyil, altı növ qaz var. Adətən fəaliyyətimizdə biz iqlim dəyişikliyinə səbəb olan bir növ istixana qazına diqqət yetiririk, lakin digərlərinə də diqqət yetirməliyik. Biz onları super çirkləndiricilər adlandırırıq və onlar təkcə emissiyalar yaratmır və qlobal istiləşməyə səbəb olmur, həm də havanı çirkləndirir və sağlamlıq proqramı ilə birbaşa əlaqələndirilir".
Yalçın Rəfiyev deyib ki, Azərbaycan ev sahibi olaraq tərəflərə platforma təqdim etməlidir: "Beləliklə, tərəflərin bir araya gəlməsi üçün əlavə imkanlar yaratmalıyıq. İndiyə qədər, COP 29-a qədər, biz ambisiyalarımızı artırmışıq. İndi tərəflər xahiş edir və təkid edirlər ki, həmin ambisiyaları həyata keçirməyə başlamaq üçün onların həyata keçirmə vasitəsi olmalıdır. Gələn ilin fevralında tərəflərin yeni, daha iddialı indeksləri ilə yenilənmiş indekslərini təqdim edəcəklərini gözləyiriksə, onları maliyyə ilə təmin etməliyik və bu maliyyələşmə təkcə dövlət maliyyəsi ilə məhdudlaşmamalıdır. Onların da özəl sektorun maliyyəsi olmalıdır.
Biz özəl sektorla da danışmalıyıq. Özəl sektorun daha aktiv fəaliyyət göstərməsinə mane olan əsas səbəblərdən biri bəzi inkişaf etməkdə olan ölkələrdə özəl sektor tərəfindən bu ölkələrlə bağlı yanlış yanaşmaların qəbul edilməsidir.
Məsələn, Afrikadakı kimi, qlobal günəş enerjisi potensialının 50%-dən çoxu Afrikadadır, lakin qlobal sərmayənin yalnız 2%-i ordadır. Bu, bir daha göstərir ki, risklər yanlış təsəvvürlər özəl sektorun investisiyasının həqiqətən də inkişaf etməkdə olan ölkələrə getməsinə problem yaradır".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
