Nyu-Yorkda Zəfər Günü münasibətilə məlumatlandırma aksiyası təşkil edilib - FOTO

Nyu-Yorkda Zəfər Günü münasibətilə məlumatlandırma aksiyası təşkil edilib - FOTO
# 08 noyabr 2023 12:46 (UTC +04:00)

Nyu-Yorkun məşhur “Times Square” meydanında və digər ərazilərində 8 Noyabr – Zəfər Gününə həsr olunmuş məlumatlandırma aksiyası keçirilib

Bu barədə APA-ya Diasporla İş üzrə Dövlət Komitəsindən bildirilib.

Qeyd edilib ki, Komitənin dəstəyi və Azərbaycan-Amerika Gənclər Federasiyasının təşkilatçılığı ilə baş tutan aksiya zamanı “Qarabağ Azərbaycandır!”, “Azərbaycan multikultural ölkədir!”, “Azərbaycan bir sıra etnik və milli azlıqların vətənidir!” kimi şüarları və qısa məlumatları əks etdirən LED-ekranlı avtomobil Nyu-Yorkun mərkəzi küçələrində hərəkət edib.

Aksiya çərçivəsində Azərbaycan ərazilərindəki mina probleminə, indiyədək dəqiq xəritələrin təqdim olunmamasına, yüzlərlə azərbaycanlının mina qurbanlarına çevrilməsinə də diqqət cəlb edilib. LED-ekranda minalarla bağlı statistik məlumatlar, “Minalardan azad həyat!”, “Qarabağdan dünyaya: minalara YOX deyək!”, “Qarabağın itkilərini xatırla: Minasız dünya üçün səslən!” kimi şüar və çağırışlar nümayiş etdirilib.

Aksiya ilə maraqlanan şəhər sakinlərinə ölkəmiz barədə əlavə məlumat verilib.

#
#

ƏMƏLİYYAT İCRA OLUNUR