Daxili siyasət

Ana səhifə

Daxili siyasət

“Azadlıq” bloku Məclisinin iclasında boykot qərarı təsdiqlənəcək

30 iyun 2008 09:17 (UTC +04:00)

Bakı. Elnur Məmmədli APA. Yaxın on gün ərzində “Azadlıq” bloku Məclisinin növbəti iclası keçiriləcək. Bu barədə APA-ya blokun üzvü, Azərbaycan Xalq Cəbhəsi Partiyası (AXCP) Ali Məclisinin sədri Qulamhüseyn Əlibəyli məlumat verib. O bildirib ki, iclasın vaxtının uzadılmasının xüsusi bir səbəbi yoxdur, sadəcə, blok seçkiöncəsi vəziyyətin tam aydınlaşmasını gözləyib: “Artıq seçkiqabağı situasiya tam aydındır və iclası bundan artıq gecikdirmək fikrində deyilik”. Q. Əlibəyli deyib ki, toplantıda blokun prezident seçkilərini boykot etməsi barədə qərar təsdiqlənəcək. Digər müxalifət partiyalarına boykota qoşulmaqla bağlı müraciət ediləcəyi də istisna olunmur.

“Azadlıq”_blok