Daxili siyasət

Ana səhifə

Daxili siyasət

Azərbaycanda seçki hüquq olan 30 min gözdən əlil prezident seçkilərində müstəqil səs verə biləcək

25 avqust 2008 12:39 (UTC +04:00)

Bakı. Elbrus Seyfullayev - APA. Azərbaycanda yaşayan və seçki hüquq olan 30 min gözdən əlil prezident seçkilərində müstəqil şəkildə səs verə biləcək. Bu barədə APA-ya açıqlamasında Azərbaycanın Gözdən Əlillər Cəmiyyətinin sədri Səmyar Abdullayev bildirib. Cəmiyyət sədri Azərbaycanda gözdən əlillərin MDB məkanında analoqu olmayan trafaret sistemi ilə səs verə biləcəklərini deyib.

O, rəhbərlik etdiyi təşkilatın Mərkəzi Seçki Komissiyası ilə müqavilə bağlayacağını söyləyib: “Həmin müqaviləyə əsasən gözdən əlillər üçün istehsal ediləcək seçki bülletenləri bütün dairə və məntəqələrə paylanacaq. Trafaret sistemi tətbiq olunacaq həmin bülletenlər adi bülletenlərdən o qədər də fərqlənməyəcək. Sadəcə, gözdən əlil insanlar heç kimin köməyi olmadan, müstəqil şəkildə namizədin adını tapa və istədiyi şəxsə səs verə biləcəklər”.

Azərbaycan_seçki