Əkrəm Əylisli parlamentin iclasını yarımçıq tərk edib

Əkrəm Əylisli parlamentin iclasını yarımçıq tərk edib
# 14 aprel 2009 13:14 (UTC +04:00)
Bakı. Elbrus Seyfullayev - APA. Milli Məclisin üzvü, Azərbaycanın xalq yazıçısı Əkrəm Əylisli parlamentin iclasını yarımçıq tərk edib. APA-nın məlumatına görə, hadisə parlamentin bugünkü iclasında İctimai Televiziya və Radio Yayımlarının Yayım Şurasının tərkibində dəyişiklik edilməsi ilə bağlı məsələ müzakirə olunarkən baş verib. Belə ki, sözügedən məsələ müzakirə olunarkən çıxış etmək istəyən Əkrəm Əylisliyə söz verilməyib. Deputat ayağa qalxaraq, söz istəsə də, onun bu istəyi nəzərə alınmayıb. Buna cavab olaraq isə Ə. Əylisli parlamentin iclasını tərk edib. Xalq yazıçısı məsələ ilə bağlı mətbuata açıqlama verməkdən də imtina edib.
#
#

ƏMƏLİYYAT İCRA OLUNUR