BAXCP İdarə Heyətinin toplantısı keçirilib

BAXCP İdarə Heyətinin toplantısı keçirilib
# 05 aprel 2010 11:32 (UTC +04:00)
Bakı. Elnur Məmmədli – APA. Bütöv Azərbaycan Xalq Cəbhəsi Partiyası (BAXCP) İdarə Heyətinin növbəti toplantısı keçirilib. Partiyanın mətbuat xidmətindən APA-ya daxil olan məlumata görə, İdarə Heyətinin toplantısında partiyanın parlament seçkilərinə hazırlığı ilə bağlı müzakirə aparılıb.

BAXCP-nin baş katibi, seçki qərargahının rəhbəri Söhrab Abdullayev bildirib ki, seçkidə iştirak edəcək namizədlərin vahid siyahısının hazırlanması ilə bağlı proses artıq başa çatmaq üzrədir. O, hazırda siyahıda dəqiqləşmələrin aparıldığını, seçki qərargahının namizədlərin müəyyənləşdirilməsi mərhələsini başa çatdırdığını qeyd edib.

Toplantıda partiyanın seçki platforması, təbliğat-təşviqat kampaniyasında istifadə olunacaq vəsaitlər və digər məsələlər ətrafında fikir mübadiləsi aparılıb.
#
#

ƏMƏLİYYAT İCRA OLUNUR