Tarif Şurasının qiymət artımı ilə bağlı qərarı Milli Məclisdə müzakirə olunub

Tarif Şurasının qiymət artımı ilə bağlı qərarı Milli Məclisdə müzakirə olunub
# 01 fevral 2011 14:31 (UTC +04:00)
APA-nın məlumatına görə, deputat Qüdrət Həsənquliyev qiymət artımının hazırkı şəraitdə münasib olmadığını qeyd edib. Millət vəkili parlament sədrindən xahiş edib ki, qlobal böhranın davam etdiyi hazırkı şəraitdə hökumət qarşısında bu qərarın bir müddət təxirə salınması təklifi ilə çıxış etsin.

YAP-dan olan millət vəkili Siyavuş Novruzov isə həmkarının qaldırdığı məsələyə cavab olaraq bildirib ki, hazırda Azərbaycanda qeyd olunan xidmətlər üzrə tariflər çox aşağıdır: “Dövlət başçısı tərəfindən indiyədək dəfələrlə əhalinin elektrik, qaz və digər kommunal xidmətlərə görə yaranmış borcları bağışlanıb. Bundan da öz növbəsində bəzi şəxslər sui-istifadə edir, israfçılığa şərait yaranır”.

Spiker Oqtay Əsədov da deputat S. Novruzovun fikirlərini dəstəkləyib: “Suyun və ya nəyinsə qiymətinin qalxmasından manipulyasiya məqsədi ilə istifadə etmək düzgün deyil. Suyun qiyməti 12 qəpik artırılıb. Bir şüşə suyu dükandan neçəyə alırsınız? Bu gün Bakı şəhərini içməli su ilə təmin edən şirkətdə 12 min adam işləyir. Tariflər aşağıdır, şirkət işçilərin pulunu verə bilmir. Eynilə də dəmiryolunda tariflər Ermənistan və Gürcüstandan 3-4 dəfə ucuzdur”.
#
#

ƏMƏLİYYAT İCRA OLUNUR